دہلی، 6 اکتوبر: شیعہ عالم دین اور رہنما مولانا حسن علی راجانی نے کہا ہے کہ دنیا کے عام شہری مسلمانوں کو ایران، امریکہ یا کسی دوسری ریاست کے درمیان سیاسی اور فوجی تنازعات کا بوجھ نہیں اٹھانا چاہیے۔انہوں نے ایران کے شہر مناب میں اسکول کے قتل عام سے لے کر فلسطین کے معصوم بچوں اور دنیا بھر میں کروڑوں بے گناہ مسلمانوں کے قتل کا ذکر کرتے ہوئے کہا کہ یہ ایک انتہائی افسوسناک اور المناک انسانی المیہ ہے اور اس کی ذمہ داری کا تعین شفاف اور غیر جانبدارانہ تحقیقات کی بنیاد پر کیا جانا چاہیے۔راجانی نے کہا کہ اگر کسی فوجی آپریشن میں عام شہری اور بچے جان سے ہاتھ دھو بیٹھتے ہیں تو ذمہ داروں کو جوابدہ ہونا چاہیے، چاہے ان کی قومیت، مذہب یا طاقت کچھ بھی ہو۔انہوں نے کہا کہ ایرانی ہائی کمان یا کسی فوجی کمانڈر کے اقدامات کو ہندوستان، پاکستان، افغانستان یا افریقی ممالک میں رہنے والے عام مسلمانوں سے جوڑنا درست نہیں ہے۔مولانا حسن علی راجانی نے کہا کہ مسلمانوں کو کسی بھی ریاست کی خارجہ یا فوجی پالیسیوں کا اجتماعی طور پر ذمہ دار ٹھہرانا انصاف کے اصولوں کے منافی ہے۔انہوں نے زور دے کر کہا کہ معصوم بچوں، خواتین اور عام شہریوں کا تحفظ عالمی برادری کی اولین ترجیح ہونی چاہیے اور کسی بھی جنگی جرم کی شفاف تحقیقات کے بعد ممجرموں کا احتساب ہونا چاہیے۔آخر میں مولانا رجانی نے کہا: ایران کو چاہیے کہ وہ کمزور مسلمانوں کو سیاسی تنازعات کا شکار بنا کر اور ان مسلمانوں کی مساجد اور مزارات کو اپنے فوجی کیمپوں میں تبدیل کرکے دنیا بھر کے مسلمانوں کے دین و دنیا کو تباہ نہ کرے۔