دہلی، 9 اکتوبر: ممتاز شیعہ عالم اور رہنما مولانا حسن علی راجانی نے ایرانی نژاد اداکارہ الناز نوروزی کی جانب سے ایرانی حکومت کے خلاف اختیار کیے گئے تنقیدی مؤقف کی حمایت کی ہے۔ انہوں نے کہا کہ اگر کوئی حکومت اپنے ہی عوام کے حقوق، آزادی اور وسائل پر ناجائز طور پر قبضہ کرتی ہے، تو اسے عوام کی شدید تنقید کا سامنا کرنا چاہیے۔اپنے خیالات کا اظہار کرتے ہوئے مولانا رجانی نے ایرانی حکومت کو "ڈکیت حکومت" قرار دیا اور کہا کہ عوام کے وسائل عوامی بہبود، تعلیم، صحت اور معاشی ترقی پر خرچ ہونے چاہئیں،نہ کہ ایسے اقدامات پر جو عام شہریوں کی مشکلات میں اضافہ کریں۔ا نہوں نے کہا کہ دیگر ممالک کے عوام کی طرح ایرانی عوام کو بھی آزادی، وقار، معاشی تحفظ اور اپنے مستقبل کا فیصلہ کرنے کا حق حاصل ہے۔ کسی بھی حکومت کی کارکردگی کا اندازہ نعروں سے نہیں، بلکہ عوام کی زندگیوں، بنیادی حقوق اور احتساب کے معیاروں سے لگایا جانا چاہیے۔مولانا رجانی نے واضح کیا کہ ایرانی عوام اور ایرانی حکومت کی پالیسیوں کے درمیان فرق کیا جانا چاہیے۔ حکومت کے فیصلوں کے لیے عام ایرانی شہریوں کو اجتماعی طور پر موردِ الزام نہیں ٹھہرایا جانا چاہیے۔